Sunday, October 6

#182: كلمتين

كلمتين بقالي كتير عايزة أقولهم
دموعي بقالها كتير نفسها تنزل
و بتلكك على أي كلمة أو حركة أو حتى مشهد من فيلم عبيط
خايفة و مطمنة في نفس الوقت
فرحانة قوي بحجات كتير بتحصل حواليا
و من جوايا حزن و نكد غريب قاعد مستني اللحظة الي هيطلع فيها
أصلي مش فاهمة مع إني مستوعبة كويس جدا
كأن نفسي مليانة غضب و حقد بس عقلي كله طيبة و سذاجة
بسأل نفسي كتير: هو أنا إيه؟ حلوة يعني ولا وحشة؟ كويسة كده ولا سخيفة؟؟
أنا عن نفسي فخورة بيا و بحياتي و بحمد ربنا ميت مرة
بالرغم إني حاسة بزهق و ملل مش مفهوم له أول من أخر
محتاجة أركز قوي في شغلي و بجد متحمسة
قال إيه لسة مستنية أخد على الجو و المكان الجديد

أنا أصلا كل حاجة و عكسها
هي دي حياتي و حياتنا كلنا
و مالناش غير حل واحد
ندعي و نكلم ربنا

يا رب …

No comments: